Sport

Mkhitaryan vazhdon kontratën me Romën deri në vitin 2022

Foto: Reuters

Henrikh Mkhitaryan ka arritur marrëveshje me zyrtarët e klubit të Romës për ta vazhduar kontratën deri në qershor të vitit 2022.

Kjo nënkupton se ai nuk do të jetë futbollist i lirë në afatin kalimtar të verës, njofton “Sky Sport Italia”.

31-vjeçari, reprezentues i Armenisë, është njëri prej lojtarëve kryesor në ekipin e romakëve.

Mesfushori me tipare sulmuese këtë edicion ka luajtur në 21 ndeshje në total, derisa ka shënuar nëntë gola e ka po aq asistime.