Sport

Llapi nuk e diskuton mbetjen në Superligë, daljen në Evropë e synon përmes Kupës

Llapi i ka nisur përgatitjet për stinorin pranveror që nga dita e hënë. Llapjanët i kanë synimet e qarta: mbetjen në Superligë as që po e diskutojnë, kurse kërkojnë triumfin në Kupën e Kosovës, që do t’ua mundësojë daljen në Evropë, për herë të parë në histori të klubit. Mirëpo, ekipi nga Podujeva mund të mbetet pa njërin prej lojtarëve kryesorë, Kastriot Selmanin. Për sulmuesin e krahut ka shprehur interesim klubi i Bundesligës së Austrisë, Tiroli. Lajmin e kanë konfirmuar për KOHËN trajneri i Llapit Tahir Batatina dhe futbollisti Kastriot Selmani, të martën. Batatina ka thënë se për të dhe Selmanin do të ishte shumë e rëndësishme që të realizohej ky transferim.

 

Llapi i ka nisur përgatitjet për stinorin pranveror që nga dita e hënë. Llapjanët i kanë synimet e qarta: mbetjen në Superligë as që po e diskutojnë, kurse kërkojnë triumfin në Kupën e Kosovës, që do t’ua mundësojë daljen në Evropë, për herë të parë në histori të klubit. Mirëpo, ekipi nga Podujeva mund të mbetet pa njërin prej lojtarëve kryesorë, Kastriot Selmanin. Për sulmuesin e krahut ka shprehur interesim klubi i Bundesligës së Austrisë, Tiroli. Lajmin e kanë konfirmuar për KOHËN trajneri i Llapit Tahir Batatina dhe futbollisti Kastriot Selmani, të martën. Batatina ka thënë se për të dhe Selmanin do të ishte shumë e rëndësishme që të realizohej ky transferim.

“Oferta më konkrete që ka ardhur për Kastriot Selmanin është nga klubi i Tirolit, që bën gara në Superligën e Austrisë. Nëse Kastrioti do të shkojë direkt në Superligë të Austrisë, mendoj që është një e arritur e madhe për të dhe kjo është falë punës së madhe të lojtarit dhe punës së madhe që e kemi bërë bashkërisht. Kam pasur besim te ky djalë. Besoj që në këto dy ditë ata do ta bëjnë ofertën zyrtare për Kastriotin”, u shpreh Batatina.