1 perditesime
16:51

KF Ballkani e quan humbje të rëndë ndeshjen ndaj Gjilanit

Skuadra e KF Ballkanit sot ka pësuar humbje të thellë nga Gjilani. Mysafirët fituan bindshëm 4:0.

Për këtë rezultat, KF Ballkani ka shkruar në rrjetin social Facebook se ishte humbje e rëndë si vendas pas më tepër se 20 muaj.

“Humbje e rëndë si vendas pas më shumë se 20 muajve dhe pikërisht nga i njëjti trajner, Bylbyl Sokoli, kur udhëhiqte Ferizajn. Çdo goditje e rëndë na bënë më të fortë”, thuhet në njoftimin e tyre.

KF Ballkani me këtë humbje renditet në pozitën dytë e në tabelën e Superligës me 38 pikë, derisa ekipi gjilanas është në të tretën me 32 sosh.

14:31

Ballkani nuk këndellet, Gjilani i Sokolit e mposht thellë në Suharekë

Ballkani ka pësuar humbjen e tretë në pesë ndeshjet e fundit në Superligë.

Pas Dritës dhe Prishtinës sot e ka mposhtur klubin nga Suhareka edhe Gjilani.

Klubi i Bylbyl Sokolit shënoi fitore të thellë prej 4 me 0 në udhëtim.

Paraqitje të jashtëzakonshme për Gjilanin pati mesfushori Ardit Hila, i cili shënoi tre gola.

Kurse një gol e shënoi Darko Nikaq.

Me këtë humbje Ballkani mbetet në kuotën e 38 pikëve dhe mban vendin e dytë. Derisa Gjilani në vendin e katërt ka 29 pikë.