Sport

Ndeshjet e Premier Leagues në Londër sërish pa tifozë

Foto: AP
 

Gjashtë klubeve të Premier Leagues nga Londra nuk do t’u lejohen përsëri tifozët në ndeshje, pasi kryeqyteti britanik u vendos në nivelin më të ashpër të kufizimeve për shkak të numrit në rritje të rasteve me COVID-19.

Vendimi nga Qeveria britanike, i cili hyn në fuqi të mërkurën, lë vetëm katër klube të divizionit elitar të Anglisë në zonat ku lejohen maksimumi dy mijë tifozë nëpër stadiume. Skuadrave që do t’u lejohet prania e tifozëve në tribuna janë Evertoni e Liverpooli në bregun perëndimor dhe Brightoni e Southamptoni në bregdetin jugor.