Sport

UEFA shton një garë, por Kosova mbetet me tri skuadra në Evropë

UEFA shton një garë, por Kosova mbetet me tri skuadra në Evropë
 

Prej edicionit të ardhshëm 2021\2022 do të zhvillohen tri gara kontinentale për skuadrat e futbollit. Pas më shumë se 20 vjetësh, Konfederata Evropiane e Futbollit (UEFA) ka vendosur që skuadrat të garojnë në tri liga të ndryshme. Ligës së Kampionëve dhe Ligës së Evropës i është shtuar edhe Liga e Konferencës, që është niveli i tretë.

Por shtimi i një lige nuk nënkupton më shumë skuadra në gara evropiane. Të paktën numri i skuadrave nga shumë vende nuk është rritur. Nuk është rritur as numri i skuadrave nga Kosova që do të garojnë në Evropë, ndonëse kjo ishte shpresuar nga drejtues të futbollit kosovarë.