Skitarja italiane, Valentina Greggio, është lëshuar në shteg me shpejtësi maksimale prej 248.27 kilometra në orë dhe ka thyer rekordin e botës për shpejtësi që e mbante po ajo.
Kjo është shpejtësi dyfish më e madhe se që lejohet për shembull në shtigjet në Zvicër.
Greggio e arriti rekordin në Vars të Francës, në një shteg prej mbi një kilometër dhe me pjerrtësi deri në 98 për qind. Rekordin e kaluar e kishte 247.083 kilometra në orë, në atë që është ndoshta pista më e mirë e skive për shpejtësi në botë.
Francezi Simon Billy e mban rekordin botëror te skitarët. Në vitin 2023 ai arriti shpejtësi maksimale prej 255.5 kilometra në orë.
VIDEO:
