Sport

Federatat kosovare ende përballen me refuzim të pranimit ndërkombëtar, tani edhe për dosje të pakompletuar

Federatat kosovare ende përballen me refuzim të pranimit ndërkombëtar, tani edhe për dosje të pakompletuar
 

Për kohë shumë të gjatë procesi i pranimit ndërkombëtar ishte tema kryesore në sportin kosovar. Shumë dështime e lëshime arsyetoheshin me izolimin që i ishte bërë sportit kosovar. Ky proces për shumëkënd është vlerësuar i mbyllur me pranimin e Kosovës në UEFA e FIFA, në vitin 2016. Më herët ishte pranuar Komiteti Olimpik i Kosovës në Komitetin Olimpik Ndërkombëtar dhe kështu ishin hapur dyert e pranimit thuajse për të gjitha federatat sportive në vend.

Ndërkohë janë formuar disa federata dhe për to procesi i pranimit në asociacionet ndërkombëtare është ende aktual. Një prej tyre është ajo e Triathlonit. Federata e Triathlonit e Kosovës është themeluar në vitin 2018, ndërsa të dielën mori një goditje të rëndë. Aplikimi i saj për pranim me të drejta të plota në Federatën Botërore të Triathlonit pa pritur u hoq nga rendi i ditës.