Federata Evropiane e Hendbollit ka caktuar të hënën zonat dhe vazot për shortin e raundit të tretë të Kupës Evropiane.
Shorti për garën ku paraqiten Besa Famgas e Prishtina do të tërhiqet të mërkurën nga ora 11:00.
Besa dhe Prishtina janë në vazon e dytë të zonës së dytë dhe nuk mund të përballen mes vete.
Kundërshtarë të mundshëm të Besa Famgas e Prishtinës janë: CS Minaur Baia Mare (Rumani), AEK (Greqi), RK Borac mtel (Bosnjë-Hercegovinë), Holon Yuvalim (Izrael), Donbas (Ukrainë), Beykoz BLD (Turqi), Masheka (Bjellorusi), Spor Toto (Turqi).
Ndeshjet e kësaj faze do të zhvillohen muajin e ardhshëm.
