Basketbollisti Drilon Hajrizi do të jetë kapiten i Kosovës në ndeshjet kundër Sllovakisë dhe Islandës.

Këtë njoftim e ka dhënë Federata e basketbollit të Kosovës, ku thuhet se Hajrizi ka premtuar se do e japë maksimumin nga vetja në këto sfida.

Tutje bëhet e ditur se kundër këtyre dy ekipeve do të mungojë Dardan Berisha për shkak të infektimit me COVID-19. Ndeshjet do të zhvillohen më 26 dhe 28 nëntor në Bratisllavë.

“Takimet janë të vlefshme në kuadër të parakualifikimeve evropiane për Kupën e Botës 2023. Kosova është lidere e grupit me dy fitore. Dardanët kanë mundur Islandën dhe Luskemburgun”, thuhet ndër të tjera.