Ballkani e Prishtina fitojnë me rezultat të njëjtë në ndeshjet me shumë gola

Lideri, Ballkani, dhe pretendentja, Prishtina, kanë shënuar fitore me shifra të njëjta, 4:2, përballë kundërshtarëve të tyre, Llapit, përkatësisht Trepçës ’89.

Ballkani mposhti llapjanët në Suharekë, kurse Prishtina në stadiumin “Fadil Vokrri” në Prishtinë. Ishin këto dy ndeshje të luajtura pas pushimit dyjavor shkaku i takimeve të përfaqësueseve në Ligën e Kombeve. Dy përballjet që mbyllën xhiron e 13-të të Superligës në futboll u zhvilluan të dielën.

Ballkani është forcuar në vendin e parë me 29 pikë nga 12 ndeshje, kurse Llapi mbetet në vendin e nëntë (të parafundit) me tetë pikë.

Ndërkohë, Prishtina është në vendin e katërt me 18 pikë, derisa Trepça ’89 në vendin e tetë me 14 pikë.

Ballkani i shënoi të gjitha katër golat në pjesën e parë. Të parin e shënoi Nazmi Gripshi në minutën e 14-të. Gripshi e shënoi edhe golin e tretë të minutës së 39-të. Ermal Krasniqi e shënoi golin e dytë në minutën e 24-t, derisa të katërtin e shënoi golashënuesi më i mirë i Superligës, Mirlind Daku. Goli i shënuar të dielën, për Dakun, që ishte i ftuar së fundi edhe te përfaqësuesja A e Kosovës, ishte i 18-ti në elitën e futbollit kosovar.

Ndërkohë, për Llapin golat i shënuan Elvis Prençi në minutën e 51-të dhe Ahmed Januzi në minutën e 80-të.

Për Ballkanin ishte fitorja e nëntë. Skuadra nga Suhareka ka edhe dy barazime dhe një humbje, derisa Llapi pësoi disfatën e tetë dhe ka dy fitore e dy barazime.

Fitoren e pestë Prishtina e arriti përballë Trepçës ’89, derisa ka tri barazime dhe katër humbje. Mitrovicasit në 13 ndeshje kanë katër fitore, dy barazime dhe shtatë humbje.

Golin e parë në fitoren e Prishtinës e shënoi Sabien Lilaj në minutën e 12-të nga penalltia, kurse Leutrim Kryeziu të dytin në minutën e 27-të. 89-shi ngushtoi epërsinë në 2:1 në fund të pjesës së parë nëpërmjet ganezit Bismark Charles Sie. Epërsinë në 3:1 për “bardhekaltrit” e ngriti Besnik Krasniqi në minutën e 63-të, derisa tre minuta më vonë Gauthier Mankenda shënoi golin e katërt.

“Objektiv kemi titullin kampion dhe nuk duhet ta fshehim këtë gjë. Ndodhemi 11 pikë prapa vendit të parë, por nuk e lodhi mendjen për Ballkanin, pasi që ndeshjen e radhës e kemi me Llapin dhe ne synojmë t’i marrim ndeshjet një e nga një. Më dhemb fakti që pranuam dy gola. Ne duhet ta analizojmë mirë këtë gjë dhe të punojmë për të mos i përsëritur këto gabime. Çdo futbollist i cili e bart fanellën e Prishtinës është i rëndësishëm për ne. Nuk është John, por është Shillova, Kryeziu e Prapashtica. Të gjithë futbollistët janë të rëndësishëm”, ka thënë trajneri i Prishtinës, Zekirija Ramadani.

Pos golave të shënuar, Prishtina pati edhe disa raste tjera të mira shënimi, kryesisht nëpërmjet Kryeziut.

“Përveç golit që shënova, që më gëzoi shumë, po ashtu pata edhe tre raste të tjera që i humba, por më së shumti më gëzon fakti që fituam. Besoj të na ecën edhe në të ardhmen me fitore dhe shpresoj mos të ndalemi më. Uroj bashkëlojtarët si për fitoren, po ashtu edhe për paraqitjen e mirë”, ka thënë Kryeziu.

Trajneri i Trepçës ’89, Shpëtim Idrizi, është i zemëruar me humbjen, por thekson se nuk duhet ta vajtojnë disfatën, por të bëhen gati për ndeshjen e radhës.

“Nuk e nisëm ndeshjen mjaft mirë, megjithëse reaguam duke shënuar pas disavantazhit prej dy golave. Edhe pjesën e dytë e nisëm mirë dhe t’ju them të drejtën është dashur të realizojmë për ta barazuar rezultatin, por kur nuk shënon e pëson. Kundërshtari na realizoi edhe dy gola të tjerë, pasi skuadra u lëshua tërësisht në ofensivë. Ne nuk duhet të dëshpërohemi, nuk kemi kohë për të humbur, pasi që duhet të fillojmë të përgatitemi menjëherë për ndeshjen e radhës”, ka thënë Idrizi.

Superliga – XIII

E diel

Ballkani – Llapi 4:2

(Shënues: Gripshi 14’, 39’, Krasniqi 24’, Daku 44’ – Prençi 51’, Januzi 80’)

Prishtina – Trepça ’89 4:2

(Shënues: Lilaj 12’ pen., Kryeziu 27’, Krasniqi 63’, Mankenda 66’ – Sie 45+1’, Muja 71’)

E shtunë

Besa – Drita 1:4

(Shënues: Syla 18’ – Haxhimusa 4’, Fazliu 10’, Haxhimusa 39’, Fazliu 63’)

Feronikeli – Arbëria 1:0

(Shënues: Dabiqaj 43’)

Gjilani – Drenica 1:0

(Shënues: Nikaq 11’)

Ballkani ka mposhtur bindshëm Llapin 4:2 në ndeshjen e xhiros së 13-të të Superligës së Kosovës në futboll.

Lideri i Superligës ishte duke kryesuar 4:0 pas pjesës së parë të ndeshjes që u zhvillua në Suharekë. Nazmi Gripshi (12’, 38’) i ka realizuar dy gola për Ballkanin, ndërsa nga një tjetër e shënuan Ermal Krasniqi (23’) dhe Mirlind Daku (45’).

Në pjesën e dytë Llapi zvogëloi disavantazhin duke shënuar dy herë. Elvis Prençi (52’) dhe Ahmed Januzi (79’) realizuan për Llapin.

Ballkani kryeson me 29 pikë pas 12 ndeshjeve, tri më tepër se Drita, por ka një ndeshje më tepër të zhvilluar.

Llapi zë vendin e parafundit me tetë pikë.

Prishtina ka triumfuar 4:2 ndaj Trepçës ’89 sot në shtëpi, në ndeshjen e xhiros së 13-të të Superligës së Kosovës në futboll.

Sabien Lilaj (12’ penallti), Leutrim Kryeziu (27’), Besnik Krasniqi (63’) dhe Gauthier Mankenda (67’) kanë realizuar për Prishtinën, ndërsa Sie Bismark (45+1’) dhe Ardit Muja (72’) për 89-in.

Ballkani është duke kryesuar thellë 4:0 pas pjesës së parë ndaj Llapit.

Ndeshja e xhiros së 13-të të Superligës së Kosovës në futboll po luhet në Suharekë. Nazmi Gripshi (12’, 38’) i ka realizuar dy gola për Ballkanin, ndërsa nga një tjetër e shënuan Ermal Krasniqi (23’) dhe Mirlind Daku (45’).

Në ndeshjen tjetër, Prishtina është duke kryesuar pas 75 minutave me 4:2 ndaj Trepçës ’89.

Ndeshja po luhet në Prishtinë. Sabien Lilaj (12’ penallti), Leutrim Kryeziu (27’), Besnik Krasniqi (63’) dhe Gauthier Mankenda (67’) kanë realizuar për Prishtinën, ndërsa Sie Bismark (45+1’) dhe Ardit Muja (72’) për 89-in.

© KOHA. Të gjitha të drejtat janë të rezervuara.