Sulmuesi i Napolit, Victor Osimhen, e ka dëmtuar rëndë kyçin e dorës dhe e ka lënë fushën sa ishte pjesë e Nigerisë në barazimin 4:4 kundër Sierra Leones.
Lajmi është bërë i ditur nga Përfaqësuesja e Nigerisë në “Twitter”, që thotë se sulmuesi i Napolit është lënduar në kyçin e dorës në kualifikimet e Kupës së Afrikës për Shtete, transmeton KOHA.
Osimhen, i cili realizoi për 2:0 pas 21 minutash lojë, u zëvendësua 12-të minuta para fundit. Ai e la fushën kur rezultati ishte 4:2 në të mirë të përfaqësueses së tij. Megjithatë, Sierra Leone u kthye në lojë me dy gola të shënuar në dhjetë minutat e fundit.
Bashkëlojtari i Amir Rrahmanit te Napoli i ka realizuar dy gola dhe ka një asistim në tetë ndeshje.
