Drenica e ka thelluar krizën e Prishtinës. Drenica sot triumfoi 1:0 ndaj Prishtinës në xhiron e 10-të të Superligës së Kosovës në futboll.
Egzon Fazliu (60’) shënoi golin e fitores për Drenicën.
Prishtina gjendet në pozitën e gjashtë me 11 pikë pas nëntë ndeshjeve të luajtura, është 14 prapa Ballkanit që kryeson. Ballkani ka luajtur një ndeshje më tepër. Drenica është e pesta me 14 pikë nga dhjetë ndeshje.
Në ndeshjen tjetër sot Llapi pësoi 2:1 në shtëpi nga kampionja Drita. Drita u rikthye nga disavantazhi.
Valmir Veliu (9’) realizoi për epërsinë e Llapit, ndërsa për Dritën realizuan Almir Ajzeraj (58’) dhe autogol Ahmed Januzi (70’).
Drita mban vendin e dytë me 19 pikë nga tetë ndeshje, gjashtë prapa Ballkanit. Llapi është i parafundit me pesë pikë pas nëntë ndeshjeve.
