Sport

MKRS-ja kërkon nga KOK-u dhe federatat që t’i mbajnë kuvendet deri në fund të vitit

MKRS-ja kërkon nga KOK-u dhe federatat që t’i mbajnë kuvendet deri në fund të vitit

Ishte bërë bujë për kuvendin e fundit të Federatës së Futbollit të Kosovës. Agim Ademi kishte mbajtur postin e presidentit dhe vazhdon të udhëheqë me federatën më të madhe në vend. Në kuvendin e janarit u zgjodhën anëtarët e Komitetit ekzekutiv, ndërsa punimet e kuvendit ishin shumë të zhurmshme.

Kuvende të tjera me zhvillime priten të mbahen në federata sportive në dy muajt e ardhshëm. Është Ministria e Kulturës, Rinisë dhe Sportit që të premten, përmes një letre, ka kërkuar nga KOK-u dhe nga federatat që nuk i kanë mbajtur kuvendet në fillim të vitit që t’i mbajnë ato. Komiteti Olimpik i Kosovës nuk e ka mbajtur kuvendin e punës për këtë vit, ndërsa burime të KOHËS kanë bërë të ditur se larg opinionit po punohet nga disa federata për të marrë drejtimin e KOK-ut.