Sport

Hamiltoni vendos rekord për fitore të shënuara në Formula 1

Lewis Hamilton e ka vendosur rekordin për fitore të shënuara në Formula 1. Hamilton sot ka triumfuar në garën e Shpërblimit të Madh të Portugalisë.

Për britanikun e Mercedesit është fitorja e 92-të në karrierën në F1, duke e kaluar rekordin e Michael Schumacherit prej 91 fitoreve.

Hamilton la prapa kolegun e tij të Mercedesit, Valtteri Bottas dhe pilotin e Red Bullit, Max Verstappen.

Hamilton kryeson në renditje të përgjithshme me 77 pikë epërsi ndaj Bottasit, ndërsa deri në fund të stinorit kanë mbetur edhe pesë gara. Ai është rrugës së mbarë për ta barazuar rekordin e Schumacherit prej shtatë titujve të F1 të fituar.