Loriana Kuka ka kaluar pengesën e saj të parë në Grand Slamin e xhudos që po mbahet në Budapest. Kuka në rrethin e dytë mposhti xhudisten nga Mongolia, Munkhtsetseg Otgon, duke siguruar kështu kalimin në çerekfinale.
Xhudistja nga Mongolia u ndëshkua me tri “shido” dhe rrjedhimisht i takoi fitorja Kukës me ippon pas 3:39 minuta luftë. Kuka kishte edhe një waza-ari. Kuka garon në kategorinë deri 78 kilogramë. Në çerekfinale ajo do të përballet me rusen Aleksandra Babintseva.
Kosova nga Grand Slami në Budapest e ka fituar një të artë para dy dite fal Distria Krasniqit.
-
25 tetor 2020 13:50
-
Shpërndaje në: