Sport

Stadiumi “Fadil Vokrri” pritet të bëhet me 21 mijë ulëse

Stadiumi “Fadil Vokrri” pritet të bëhet me 21 mijë ulëse
Foto: Driton Paçarada / KOHA

Kapaciteti i stadiumit të futbollit “Fadil Vokrri” në Prishtinë po planifikohet të rritet edhe për 8 mijë ulëse. Nga rreth 13 mijë sa është aktualisht, arena më moderne në Kosovë do të bëhet me 21 mijë ulëse. Kjo rritje pritet të ndodhë për shkak të kërkesave të mëdha që kishte për bileta, për t’i parë ndeshjet e përfaqësueses së Kosovës.

Rritja është propozuar nga Federata e Futbollit të Kosovës, që tashmë ia ka prezantuar projektin ideor Ministrisë së Kulturës, Rinisë dhe Sportit. Një gjë të tillë e ka konfirmuar për KOHËN, ushtruesi i detyrës së sekretarit të Ministrisë së Sportit, Ibër Alaj. Ai ka deklaruar se janë duke e shqyrtuar propozimin e FFK-së.