Lautaro Martinez mund ta vazhdojë kontratën me Interin.
Klubi italian tash e një kohë ka nisur bisedimet me sulmuesin, por nuk ka arritur marrëveshjen.
Por, sipas mediave italiane, së fundmi, bisedimet mes klubit dhe menaxherit të lojtarit kanë avancuar.
Interi i ka ofruar kontratë trevjeçare argjentinasit me pagë vjetore prej shtatë milionë eurosh.
Në rast të vazhdimit të kontratës, Lautaros do t’i ndryshojë edhe klauzola e lirimit nga 111 milionë euro në 131 milionë.
Kontrata aktuale e Lautaros me Interin skadon në vitin 2023. Interesim të vazhdueshëm për argjentinasin ka shprehur Barcelona.
