Kampioni i Kosovës në konkurrencë të femrave në hendboll, ka mësuar të martën kundërshtarin e raundit të tretë të Kupës Evropiane.
Shorti i tërhequr në Vjenë ka caktuar që Ferizaj në raundin e tretë të kësaj gare të përballet me skuadrën turke, Muratpasa Belediyesi.
Ndeshja e parë duhet të luhet në Turqi kurse e kthimit në Ferizaj. Është hera e parë që Ferizaj do të garojë në arenën evropiane. Ndeshjet e Ferizajt me skuadrën turke Muratpasa do të luhen më 14/15 nëntor dhe një javë më vonë.
Ndërkohë, kundërshtarin e ardhshëm evropian të martën e ka mësuar edhe Istogu. Istogu në raundin e tretë të Kupës Evropiane do të përballet me skuadrën nga Bjellorusia, Victoria-Berestie. Ndeshja e parë duhet të luhet më 14 apo 15 nëntor në Bjellorusi, ndërsa e kthimit një javë më vonë në Istog. Istogu në raundin e dytë e eliminoi Vushtrrinë. Tani e pret një udhëtim i largët për në Bjellorusi. Shorti për raundin e tretë të Kupës Evropiane është tërhequr të martën në Vjenë. Për herë të parë Kosova i ka dy skuadra në raundin e tretë.
© KOHA. Të gjitha të drejtat janë të rezervuara.
