AC Milan ka arritur marrëveshje me Lazion për sulmuesin Balde Keita, ka konfirmuar agjenti i lojtarit, transmeton Koha.net.
22 vjeçari ka kaluar formë të jashtëzakonshme me Lazion në këtë sezon, dhe për këtë ka marrë vëmendjen e Juventusit dhe Milanit, me garën që e ka fituar kjo e fundit.
Agjenti i Keitas, Roberto Calenda ka thënë se Lazio ia ka konfirmuar atij se ka arritur marrëveshje me Milanin.
“Pas disa muajsh jemi takuar me presidentin e Lazios, Claudio Lotito. Na është konfirmuar se kanë arritur marrëveshje me Milanin, dhe e kuptuam se Keita është në shitje. Dhe tani do t’i shikojmë mundësitë tona”, ka thënë ai për Sky Sports Italia.
