Superagjenti Mino Raiola raportohet se i ka ofruar Real Madridit portierin e Milanit, Gianluigi Donnarumma.
18-vjeçari ka edhe një vit kontratë me Milanin, ndërsa mësohet se deri tani ka refuzuar nënshkrimin e një marrëveshje të re, që i sjell atij pagë vjetore prej 4.5 milionë eurosh.
Sipas “MediasetPremium”, presidenti i Real Madridit, Florentino Perez, ka konfirmuar se Raiola ia ka ofruar shërbimet e Donnarummas gjatë një takimi që kishin.
Megjithatë, “Mbretërit” kanë mbështetur portierin aktual Keylor Navas duke përjashtuar mundësinë e transferimit të italianit.
