22:56

Sejdiu: Gabimin e Trepçës ’89 nuk e bënë Drita dhe Ballkani

Trajneri i futbollit, Gani Sejdiu ka thënë se Trepça ’89 është duke i vuajtur pasojat e ndërrimit të ekipit që nga shpallja kampion. Ai ka theksuar se një gabim të Trepçës ’89 nuk e kanë bërë Drita e as Ballkani.

“Ekipet që ruajnë strukturën do ta kenë suksesin Është Drita, por edhe Ballkani që ka ruajtur strukturën dhe plotëson strukturën për të ngritur nivelin. Trepça ’89 ka bërë gabimin duke liruar shumë lojtar. Ajo ka bërë gabim në strategji dhe tash reflekton. Trepça ’89 këtë edicion ka sjellë disa lojtar në heshtje, por ka sjellë elemente cilësore. Për momentin është një ekip me kualitet, por nuk reklamohet shumë”, ka thënë Sejdiu për Sportin Total të KTV-së.

22:30

Sejdiu: Mungesa e tifozëve e bëri më të zbehtë derbin gjilanas

Trajneri i futbollit Gani Sejdiu ka thënë se derbi i sotëm gjilanas mes Dritës dhe Gjilanit, nuk e kishte frymën e derbit pasi u luajt pa shikues.

Drita e Gjilani luajtën pa gola.

“Pa shikues nuk e ka kuptimin e derbit. Pos kualitetit në fushë derbi gjilanas karakterizohej edhe për atmosferën e tifozëve. Kanë qenë shembull se si ndiqet një derbi. Pa prani të shikuesve derbi ishte i varfër. Po ashtu edhe aktorët në fushë me lojën në fushë kontribuuan që të mos ngjante në një derbi. Zakonisht ekipet në këtë derbi futen të mos humbasin e më pas të dalë çfarë të dalë. Kështu ishte edhe sot”, ka thënë Sejdiu për Sportin Total në KTV.