Sport

Bayerni i gatshëm ta tregojë forcën përballë Sevillas

Bayerni i gatshëm ta tregojë forcën përballë Sevillas
Foto: Reuters

Trajneri i Bayern Munchenit, Hansi Flick, ka minimizuar rrezikun e përhapjes së koronavirusit në ndeshjen e Superkupës së Evropës kundër Sevillas, pavarësisht se kjo ngjarje do të zhvillohet në Budapest, qytet i caktuar si zonë e rrezikshme nga pandemia. Madje, në konferencën për shtyp, Flick ka përgëzuar UEFA-n që ka dhënë lejen që ndeshja të zhvillohet me praninë e një numri të caktuar shikuesish. Flick ka paralajmëruar se Bayerni synon ta fitojë edhe Superkupën e Evropës pas “tripletës” në edicionin e fundit.

“Në fund të fundit, unë jetoj në Muenchen, qytet që është një pikë e nxehtë e koronavirusit”, tha Flick duke iu referuar numrit të infeksioneve të reja në qytetin bavarez. “Ne kemi ardhur në Budapest për të luajtur futboll dhe jo për të shpërndarë virusin. Ne kemi një qëllim në këtë ndeshje, të fitojmë Superkupën e Evropës”.