19:32

Liverpooli e mposht Chelsean

Liverpooli e ka mposhtur Chelsean me rezultatin 2:0 sot në “Stamford Bridge”, në ndeshjen e xhiros së dytë të Premier Leagues së Anglisë.

Të dy golat kampioni në fuqi i Anglisë i shënoi në pjesën e dytë, me anë të Sadio Manes. Mane realizoi në minutat 50-të dhe 54-të.

Chelsea mbeti me një lojtar më pak, pasi në fund të pjesës së parë u përjashtua me të kuq Andreas Christensen. Po ashtu Jorginho në minutën e 75-të humbi penallti.

Liverpooli ka gjashtë pikë pas dy ndeshjeve, ndërsa Chelsea tri pikë.

18:54

Mane realizon dy gola të shpejtë për Liverpoolin

Sadio Mane ka realizuar dy gola të shpejtë për Liverpoolin, duke e dërguar në epërsi 2:0 ndaj Chelesat.

Ai realizoi në minutën e 50-të dhe 54-të.

 

 

 

 

18:29

Pa gola në pjesën e parë në derbin Chelsea – Liverpool

Pjesa e parë e ndeshjes derbi të Premier Leagues mes Chelseat e Liverpoolit është mbyllur pa gola. Ndeshja që po luhet në “Stamford Bridge” të Londrës, i takon xhiros së dytë të Premier Leagues.

Chelsea në fund të pjesës së parë ka mbetur me një lojtar më pak në fushë, pasi Andreas Christensen, u ndëshkua me të kuq pas një ndërhyrje si lojtar i fundit.