Federata e Futbollit të Kosovës ka kërkuar nga UEFA që të gjejë një mënyrë për t’ia mundësuar Dritës zhvillimin e finales së fazës parakualifikuese në Ligën e Kampionëve.
UEFA të martën pasdite njoftoi se është pezulluar ndeshja Drita-Linfield pasi një futbollist kosovar doli pozitiv me COVID-19. UEFA njoftoi se vendimi është marrë për shkak se autoritetet zvicerane, ku po luhet kjo fazë, kanë vendosur për karantinim të lojtarëve të Dritës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë rregulloren e UEFA-s theksohet se nëse shteti nikoqir liron të paktën 13 futbollistë nga karantina, ndeshja mund të zhvillohet, në të kundërtën, takimi mbyllet me rezultat zyrtar 3:0. Afati i fundit për zhvillimin e kësaj ndeshjeje është 14 gushti.
Tani FFK-ja ka thënë që për të mundësuar zhvillimin e kësaj ndeshjeje dhe që të mos ndëshkohet Drita, ka kërkuar nga UEFA të mundësojë zhvillimin e ndeshjes në termin dhe vend tjetër.
“Ndërkohë, FFK shpreson dhe beson që do të respektohet protokolli dhe rregulloret e UEFA-s në rastin e Covid 19, ku të infektuarit izolohen dhe të tjerët e vazhdojnë garën. Me këtë rast lusim UEFA-n dhe kërkojmë mirëkuptim që të mundësojë zhvillimin e kësaj ndeshjeje në ndonjë termin tjetër dhe vend tjetër me qëllim që mos të dëmtohet ekipi ynë”, thuhet në njoftim.