Sport

Peja e Prishtina s’mendojnë për basketbollistë të huaj

Peja e Prishtina s’mendojnë për basketbollistë të huaj

Federata e Basketbollit e Kosovës (FBK) të hënën njoftoi se afati kalimtar për basketbollistë të huaj dhe vendorë do të jetë i hapur deri më 7 shtator. Por, afati kalimtar për edicionin e ri të Superligës pritet të jetë i varfër, meqë klubet janë prekur financiarisht nga pandemia e koronavirusit.

Dy klubet elitare, Prishtina dhe Peja, që kanë bërë investime të mëdha që nga paslufta, kanë paralajmëruar se nuk do të bëjnë asnjë transferim të huaj. Madje, kryetari i klubit të basketbollit Peja, Art Gashi vë në dyshim edhe të ardhmen e klubit.