23:12

Man Utd lëshon dy pikë në kohën shtesë

Manchester Unitedi nuk ia ka dalë të fitojë ndeshjen ndaj Southamptonit, të luajtur të hënën mbrëma. Takimi i xhiros së 35-të të Premier Leagues përfundoi me rezultatin 2:2.

Unitedi ishte në epërsi 2:1 pas pjesës së parë, ndërsa këtë rezultat e mbajti deri në minutën e 96-të. Michael Obafemi realizoi golin që pritet t’i prish shumë punë Unitedit në garën për dalje në Ligën e Kampionëve.

Unitedi renditet i pesti me 59 pikë, sa i ka edhe Leicester City në vend të katërt. Chelsea është e treta me 60 pikë. Këto tri skuadra janë në garë për dy bileta që dërgojnë në Champions.

Deri në fund kanë mbetur edhe tri xhiro.

Southamptoni është i 12-ti me 45 pikë.

21:57

Rashford e Martial shënojnë për epërsinë e Man Utd

Southamptoni kaloi herët në epërsi, por Manchester Unitedi megjithatë shkoi në pushim midis pjesëve me epërsi. 2:1 në të mirë të Man Utd është rezultati pas pjesës së parë të ndeshjes që i takon xhiros së 35-të të Premier Leagues.

Stuart Armstrong kaloi në epërsi Southamptonin në minutën e 12-të, por tetë minuta më vonë shifrat i barazoi Marcus Rashford. Nuk vonoi shumë para se Anthony Martial të shënoi golin e epërsisë. Martial realizoi në minutën e 23-të.

Ndeshja është me shumë peshë sa i takon garës për dërgim në Ligën e Kampionëve. Anulimi i dënimit të Manchester Cityt ka bërë shumë të fortë garën për pozitat tre e katër që dërgojnë në Champions. Me fitore Unitedi del në vend të tretë, Chelsea mbetet e katërta, kursa Leicesteri i pesti.