Drita triumfon thellë në Podujevë, Trepça ’89 siguron tri pikë në Ferizaj
19:05
Drita triumfon thellë në Podujevë, Trepça ’89 siguron tri pikë në Ferizaj
Drita ka triumfuar thellë me rezultatin 4:0 në Podujevë ndaj Llapit në ndeshjen e xhiros së 28-të të Superligës së Kosovës në futboll.
Mërgim Pefqeli (6’ autogol), Kastriot Rexha (13’), Erjon Vuçaj (84’) dhe Izair Emini (88’) kanë shënuar gol për lideren e Superligës.
Drita kryeson me 61 pikë pas 28 ndeshjeve, katër më tepër se Prishtina që zë vendin e dytë.
Në ndeshjen tjetër të së dielës, Trepça ’89 ka triumfuar 5:2 si mysafire e Ferizajt. 89’shi pas 28 ndeshjeve zë vendin e nëntë me 34 pikë, është një pikë larg Drenicës që mban vendin që siguron mbijetesën në elitë. Ferizaj është i dhjeti me 26 pikë.
17:54
Drita e Trepça ’89 në epërsi pas pjesës së parë
Drita po kryeson 2:0 ndaj Llapit në Podujevë pas pjesës së parë. Mërgim Pefqeli (6’ autogol) dhe Kastriot Rexha (14’) kanë realizuar për Dritën.
Trepça ’89 po kryeson 3:0 si mysafire e Ferizajt.
17:14
Rexha dyfishon epërsinë e Dritës
Drita ka realizuar edhe golin e dytë ndaj Llapit. Kastriot Rexha (13') ka shënuar për 2:0.
17:09
Drita kalon në epërsi ndaj Llapit
Drita ka kaluar në epërsi ndaj Llapit. Mërgim Pefqeli ka shënuar autogol në minutën e 6-të.
Ndeshja mes Dritës e Llapit që po luhet në Podujevë, i takon xhiros së 28-të të Superligës së Kosovës në futboll. Drita është duke kryesuar në renditje. Është duke u luajtur edhe ndeshje mes Ferizajt dhe Trepçës '89.
