Sport

Prishtina fiton me gol të shënuar në minutën e 94-t

Prishtina fiton me gol të shënuar në minutën e 94-t

Prishtina ka shënuar fitore me shumë peshë në garën për titull në IPKO Superligën e Kosovës në futboll. Të premten mbrëma në stadiumin “Fadil Vokrri” në Prishtinë, skuadra e kaltër fitoj 1:0 ndaj Drenicës. Ndeshja i takoi xhiros së 28-të.

Ahmed Januzi ia siguroi fitoren e rëndësishme Prishtinës. Ai shënoi me goditje me kokë në minutën e 94-t. Arbitri dha pesë minuta shtesë, që u shfrytëzuan maksimalisht nga Prishtina. Prishtina tani ka vetëm një pikë më pak se Drita, që udhëheq në tabelë. Drita luan të dielën ndaj Llapit në Podujevë.