23:17

City turpëron kampionin e ri

Kampioni i vitit të kaluar, Manchester City, ka turpëruar kampionin e ri të Premier Leagues, Liverpoolin.

Liverpooli i ka dhënë fund pritjes prej 30 vjetësh për titull të kampionit, por të enjten mbrëma ishte i paforcë ndaj Cityt, rivalit për titull të kampionit.

Manchester City ka fituar thellë, 4:0, në ndeshjen e xhiros së 34-t të kampionatit anglez.

Kevin De Bruyne, Raheem Sterling dhe Phil Foden shënuan në pjesën e parë, kurse Alex Oxlade-Chamberlain realizoi autogol në pjesën e dytë për 4:0. Riyad Mahrezit iu anulua një gol në fund.

Liverpooli udhëheq në tabelë me 86 pikë, plot 20 më shumë se Manchester City. 

22:11

City fillimisht nderon kampionin, tani po e mposhtë 3:0

Pa nisur ndeshja, lojtarët e Manchester Cityt kanë formuar “tunelin e nderit” në shenjë respekti për lojtarët e Liverpoolit, që kanë fituar titullin e kampionit në Premier League.

Por pasi ka nisur ndeshja respekti për kampionët nuk është shfaqur më.

Manchester City po fiton bindshëm, 3:0, ndaj Liverpoolit, pas pjesës së parë të takimit. Ndeshja e dy kampionëve të fundit të Anglisë i takon xhiros së 32-të të Premier Leagues.

Kevin De Bruyne nga pika e bardhë, Raheem Sterling dhe Phil Foden kanë shënuar golat për Cityn.