Sport

Kosova për herë të parë do ta ketë edhe ekipin A të femrave në basketboll

Kosova për herë të parë do ta ketë edhe ekipin A të femrave në basketboll
 

Ëndrra shumëvjeçare e basketbollisteve seniore, Saranda Dacit dhe Irma Konjushës, që një ditë ta bartin fanellën e Përfaqësueses A të Kosovës për ta prezantuar vendlindjen e tyre në gara zyrtare ndërkombëtare, sipas të gjitha gjasave do të realizohet vitin tjetër.

Pritjes së tyre tashmë i ka ardhur fundi, pasi në Federatën e Basketbollit të Kosovës (FBK) kanë nisur diskutimet për formimin e ekipit A të femrave. Synimi i FBK-së është që me ekipin A të femrave të Kosovës për herë të parë të paraqiten në garat ndërkombëtare, saktësisht në FIBA Kampionatin Evropian për shtetet e vogla. Kjo do të ishte hera e parë që basketbolli i femrave do të përfaqësohej në nivelin senior, në një garë zyrtare të FIBA-s.