Sport

Futbollisti që nuk ka humbur asnjë ndeshje vazhdon kontratën me St. Gallenin

Futbollisti që nuk ka humbur asnjë ndeshje vazhdon kontratën me St. Gallenin

Mesfushori Betim Fazliji ka vazhduar kontratën me skuadrën zvicerane, St. Gallen. Këtë e ka bërë të ditur klubi zviceran në faqen zyrtare. Fazliji ka firmosur deri në vitin 2023, me opsion për të vazhduar kontratën edhe për një vit.

21-vjeçari është bërë garancë për sukses të skuadrës së drejtuar nga Peter Zeidler. St. Galleni nuk e ka humbur asnjë prej 14 ndeshjeve kampionale në të cilat ka luajtur Fazliji. Për të këto janë ndeshjet e para në Superligën e Zvicrës. Ai ka realizuar dy gola gjatë serisë impresive.