Sport

Kosova në Rusi pas një kohe të gjatë

Kosova në Rusi pas një kohe të gjatë
 

Pas një kohe të gjatë xhudistet e Kosovës do të garojnë në Rusi. Prej 13 deri më 15 mars në Ekaterinburg të Rusisë mbahet turne Grand Slam i xhudos.

Garat Grand Slam janë prej më të vlerësuarave në sportin e xhudos, ndërsa për pjesëmarrje në Ekaterinburg është paraqitur edhe Kosova. Sajti zyrtar i Federatës Ndërkombëtare të Xhudos ka shkruar se Kosovën në garën e rëndësishme në Rusi do ta përfaqësojnë Majlinda Kelmendi në kategorinë deri 52 kilogramë dhe Loriana Kuka në kategorinë deri 78 kilogramë. Trajneri Driton Kuka ka konfirmuar për Koha.net se Majlinda e Loriana pritet të garojnë, por se kjo duhet të konfirmohet ndërkohë.