Sulmuesi i Kosovës, Florent Hasani ka shënuar një gol shumë të bukur të shtunën në Hungari.
Hasani shënoi golin e parë të Diosgyorit, që në udhëtim fitoi ndaj Honvedit me rezultatin e thellë, 4:0. Ndeshja i takoi xhiros së 23-të të kampionatit hungarez.
Hasani shënoi për 1:0 në minutën e 46-të. Ai realizoi me goditje mjeshtërore nga rreth 25 metra largësi. Ishte goli i tretë i Hasanit këtë edicion dhe përfundimisht një prej golave të tij më të bukur.
