Sport

Një muaj para ndeshjes vendimtare, forma e “dardanëve” nuk është më e mira

Një muaj para ndeshjes vendimtare, forma e “dardanëve” nuk është më e mira

Vedat Muriqi nuk ka realizuar gol në katër ndeshjet e fundit. Milot Rashica nuk ka shënuar gol në Bundesligë që nga 14 dhjetori. Një muaj para ndeshjes vendimtare, forma e futbollistëve të Përfaqësueses së Kosovës nuk është më e mira.

Kosova më 26 mars luan në Shkup ndaj Maqedonisë Veriore në gjysmëfinale të plejofit për kualifikim në “Euro 2020”. Nëse e fiton atë ndeshje, Kosova më 31 mars luan me Gjeorgjinë apo Bjellorusinë në finale. Me fitore eventuale do të kualifikohej në Evropianin e këtij viti.