Sport

Kosova dhe Shqipëria presin UEFA-n për Kupën “Nëna Terezë”

Kosova dhe Shqipëria presin UEFA-n për Kupën “Nëna Terezë”
 

Federata e Futbollit të Kosovës dhe Federata Shqiptare e Futbollit janë duke punuar për realizimin e nismës për krijimin e një gare të futbollit, të quajtur Kupa “Nëna Terezë”, në të cilën do të merrnin pjesë të gjitha klubet e futbollit nga Shqipëria dhe Kosova.

Zyrtarët e Federatës së Futbollit të Kosovës, thonë se ky format i garës do të përfshijë të gjitha ekipet e të rriturve (senior), që janë të regjistruara në dy federatat e futbollit, në Kosovë dhe në Shqipëri, të cilat do të nisin garën që nga faza e parë, për të vazhduar drejt eliminatorëve.