Sport

Kosova mund të bëhet vendi i 34-të që siguron Evropianin

Kosova mund të bëhet vendi i 34-të që siguron Evropianin

Shqipëria, Islanda, Irlanda e Veriut, Sllovakia e Uellsi janë përfaqësueset që kanë debutuar në kampionatin e kaluar evropian të futbollit, të mbajtur në vitin 2016 në Francë. Në Evropianin e vitit 2012 kishte debutuar Ukraina, ndërsa në atë të vitit 2008 përfaqësuese debutuese ishin Austria e Polonia.

Të paktën dy përfaqësuese do të debutojnë edhe në Evropianin e vitit 2020 që mbahet në shumë vende të Kontinentit të Vjetër. Njëra prej tyre mund të jetë përfaqësuesja e Kosovës. Kosova këtë javë e ka “sulmin final” në tentimin e parë për të siguruar paraqitjen në Evropian. Nëse nuk ia del e ka edhe një rast rezervë, përmes plejofit të Ligës së Kombeve të UEFA-s, vitin e ardhshëm, shkruan sot Koha Ditore.