Te Manchester Unitedi janë të vendosur që gjatë afatit kalimtar të janarit, të transferojnë mesfushorin defensiv të West Ham Unitedit, Declan Rice, njofton të martën “The Sun”.

Rice po kërkohet me ngulm nga trajneri Ole Gunnar Solskjaer dhe Manchesteri është i gatshëm që për transferimin e tij, të paguajë dëmshpërblim deri në 80 milionë euro, transmeton Koha Ditore.

Rice 20-vjeçar, vlerësohet ndër më të mirët në Premier League në rolin e tij dhe ka kontratë me West Hamin deri në vitin 2024.

Ai ka 11 ndeshje kampionale këtë edicion kurse në fillim të këtij viti ka debutuar edhe te Përfaqësuesja e Anglisë, duke regjistruar gjashtë paraqitje deri më tani.