Sport

Përballja e çuditshme e Koreve në futboll

 

Koreja e Veriut dhe ajo e Jugut barazuan pa gola në ndeshjen historike, por joreale që u takoi kualifikimeve për botërorin "Katari 2022". Ndeshja u zhvillua të martën në një stadium pa shikues dhe pothuajse të izoluar nga bota e jashtme.

Ndeshja ndërmjet dy përfaqësueseve, të vendeve që teknikisht ende janë në luftë - u zhvillua në stadiumin "Kim Il Sung" të Pyongyangut dhe nuk pati transmetim direkt, tifozë dhe as mediume të huaja në tribuna. Në fakt, nuk u lejuan nga regjimi verikorean.