Ferizaj ka fituar ndeshjen spektakolare në udhëtim ndaj Llapit.
Mysafirët arkëtuan pikët e plota duke shënuar fitore prej 2 me 4, transmeton Koha.net.
Livoreka e Mustafa shënuan për Ferizajn në fillim të ndeshjes, derisa Llapi e ngushtoi rezultatin përmes Mentor Zhdrellës, i cili shënoi në minutën e 43 të takimit.
E edhe pjesën e dytë Ferizaj e nisi fuqishëm, duke arritur të shënojë dy gola radhazi.
Asani e Shala shënuan për ekipin mysafir.
Kurse vendasit arritën të ngushtojnë rezultatin përmes Behar Maliqit në minutën e 83 të takimit.
Në përfundim të ndeshjes Llapi mbeti me një lojtar më pak në fushë kur Mentor Zhdrella u ndëshkua me të kuq.
16:32
Behar Maliqi shënon për Llapin
Llapi ka ngushtuar rezultatin ndërmjet Llapit dhe Ferizajt në 2 me 4.
Ishte Behar Maliqi që shënoi për Llapin kur po luhej minuta e 83.
16:13
Ferizaj s’ka të ndalur, shënon edhe golin e katërt ndaj Llapit
Ferizaj është duke zhvilluar një ndeshje të jashtëzakonshme ndaj Llapit.
Mysafirët janë duke fituar tani me rezultat prej 1 me 4, transmeton Koha.net.
Ishte Adonis Shala ai që shënoi golin e katërt për mysafirët në minutën e 68.
15:56
Ferizaj shënon sërish, në fillim të pjesës së dytë
13 minuta me vonesë ka nisur pjesa e dytë në derbin në mes të Llapit dhe Ferizajt, pas vonesës së lojtarëve të kësaj të fundit që të dalin në fushë.
Megjithatë vetëm 2 minuta i janë dashur Ferizajt që të dyfishojë epërsinë.
Bunjamin Asani ka shënuar në minutën e 47-të të ndeshjes.
Kosovapress raporton se arsyeja se pse Ferizaji veproi në këtë mënyrë është se njëri nga futbollistët ishte sulmuar në kohën kur ishte duke hyrë në zhveshtore pas përfundimit të pjesës së parë.
15:30
Ferizaj ruan epërsinë në ndeshjen ndaj Llapit, pjesa e parë 2 me 1
Ka përfunduar pjesa e parë e takimit Llapi – Ferizaj, me rezultat 1-2 për mysafirët.
Mentor Zhdrella e ka barazuar rezultatin në 1-1, në minutën e 30-të, kur ka shënuar nga pika e bardhë.
Por gëzimi i llapjanëve vendas ka zgjatur vetëm 3 minuta, pasi në skenë ka dal Zgjim Mustafa që ka rikthyer epërsinë për ferizajasit.
14:56
Ferizaj avancon ndaj Llapit që në minutën e 4-të
Ferizaj avancon përballë Llapit në Podujevë nga minuta e 4-të.
Përparim Livoreka e ka shënuar golin për ferizajasit.
