Vedat Muriqi ka vazhduar me formën e tij të lartë në Superligën turke.

Ai ishte edhe sot vendimtar në fitoren e Fenerbahçes ndaj Ankaragucut, duke bërë një asistim dhe duke shënuar golin e fitores, transmeton Koha.net.

Orgill i dha epërsinë ekipit mysafir në minutën e 16.

Por, vendasit barazuan përmes Jorgensenit që shënoi pas asistimit nga Muriqi në minutën e 20.

E në pjesën e dytë ishte pikërisht Muriqi ai që shënoi golin e fitores në minutën e73 pas asistimit nga Kruse.

Muriqi është golashënuesi i dytë më i mirë në ligë aktualisht me 3 gola e një asistim në pesë ndeshje të zhvilluara.

Me këtë fitore Fenerbahçe mban vendin e dytë me 10 pikë.

Muriqi i jep epërsinë Fenerbahçes

Fenerbahçe ka kaluar në epërsi në pjesën e dytë ndaj Ankaragucut.

Ishte Vedat Muriqi ai që shënoi në minutën e 73 nga afërsia pas asistimit nga Kruse.

Rezultati momental është 2 me 1 në të mirë të Fenerbahçes.

Muriqi vazhdon formën e lartë te Fenerbahçe, asiston për Jorgensenin

Sulmuesi i përfaqësueses së Kosovës, Vedat Muriqi është duke kaluar në një formë të shkëlqyer këtë sezon.

Në takimin që është duke u zhvilluar ndërmjet Fenerbahçes dhe Ankaragucut, Muriqi asistoi në golin e barazimit në minutën e 20.

Ai asistoi për Mathias Jorgensenin.