Xhaka në dyshim për ndeshjen ndaj Watfordit

Xhaka në dyshim për ndeshjen ndaj Watfordit

12 September 2019 19:48

Mesfushori Granit Xhaka ka gjasa të mëdha t’i mungojë Arsenalit për ndeshjen kampionale të kësaj fundjave.

Mediumet angleze kanë raportuar të enjten se trajneri i Arsenalit, Unai Emery, nuk është i sigurt nëse do ta ketë Xhakën në dispozicion për ndeshjen në udhëtim ndaj Watforfit.

Kjo ndeshje luhet të dielën (17:30) dhe i takon xhiros së shtatë në Premier League.

Xhaka ka pësuar një lëndim gjatë ndeshjes eliminatore për “Euro 2020” me Zvicrën kundër Gjibraltarit.

Për shkak të këtij lëndimi, Xhaka u detyrua të zëvendësohet në minutën e 74-t, derisa Zvicra shënoi fitore 4:0. “Granit Xhaka është në dyshim për ndeshjen me Watfordin pas lëndimit të fundit që e pësoi në eliminatore”, ka shkruar “Daily Mirror”.

26-vjeçari këtë edicion ka tri paraqitje kampionale me Arsenalin, ku është edhe kapiten.

© KOHA. Të gjitha të drejtat janë të rezervuara.

Komentet

Shto koment

Të ngjashme