Zvicra ka shënuar fitore të thellë ndaj Gjibraltarit, në një ndeshje ku patën efikasitet dyshja shqiptare Granit Xhaka e Admir Mehmedi.
Xhaka asistoi në golin e parë të Zvicrës, të cilin e shënoi Zakaria në minutën e 43, transmeton Koha.net.
Më pas epërsinë e dyfishoi Mehmedi gjashtë minuta më vonë.
Kurse në minutën e 45+4 mbrojtësi Rodriguez e trefishoi epërsinë.
Në përfundim të takimit Mehmedi doli sërish në skenë kur asistoi për Gavranoviqin në minutën e 87 të takimit.
Pas kësaj fitore Zvicra mban vendin e tretë në Grupin D, një më pak se Danimarka e tri se sa lideri Irlanda, me këto dy të fundit që kanë nga një ndeshje më tepër të zhvilluar se “helvetët”.
