22:43

Juventusi ka arritur të fitojë ndaj Napolit në kryendeshjen e xhiros së dytë të sezonit në Serie A.

“Zonja e Vjetër” fitoi 4 me 3 në një ndeshje dramatike.

Danilo, Gonzalo Higuain e Cristiano Ronaldo realizuan fillimisht për Juventusin para se Napoli të barazonte gjithçka përmes Manolasit, Lozanos e Di Lorenzos.

Kur gjithçka pritej të mbyllej baras, qendërmbrojtësi i Napolit, Kalidou Koulibaly gabimisht shënoi në portën e tij, në sekondat e fundit, për t’ia dhënë tri pikë Juventusit.

Pas dy xhirove, Juve ka gjashtë pikë, ndërsa Napoli ngel në tri.

22:31

Dramë në Torino, Napoli rikthehet ndaj Juves nga disavantazhi prej tre golash

Napoli ka arritur të rikthehet në ndeshjen me Juventusin, edhe pse “Zonja e Vjetër” udhëhiqte 3 me 0.

Pas dy golave në pjesën e parë, Juventusi arriti edhe të tretin përmes Cristiano Ronaldos në minutën e 62-të.

Megjithatë, Napoli arriti të rikthehej duke realizuar tre herë për 15 minuta.

Konstantinos Manolas realizoi golin e parë në minutën e 66-të, dy minuta para se Hirving Lozano të ngushtonte rezultatin në 3 me 2. Për të barazuar gjithçka, u kujdes Giovanni Di Lorenzo në minutën e 81-të.

 

 

 

 

 

21:12

Dy gola të shpejtë të Juves në derbin me Napolin

Juventusi ka shënuar dy gola të shpejtë në kryendeshjen me Napolin.

Danilo e Gonzalo Higuain realizuan në minutat 16’ dhe 19’ për rezultatin 2 me 0.

Ndeshja është e vlefshme për xhiron e dytë në Serie A.