VAR-i po tregohet i pamëshirshëm ndaj Manchester Cityt

VAR-i po tregohet i pamëshirshëm ndaj Manchester Cityt

19 August 2019 10:43

Historia u përsërit të shtunën, pasi që Manchester Cityt në mënyrë sensacionale iu anulua një gol në momentet e fundit nga VAR-i, në ndeshjen kundër Tottenhamit.

Ndërsa ndeshja e xhiros së dytë të Premier Leagues e luajtur në Etihad po futej nga fundi me shifrat 2:2. Gabriel Jesus e gjeti topin para këmbëve të tij në zonë dhe shënoi golin e tretë të Cityt, gol të fitores.

Pasuan festime të çmendura nga lojtarët e Cityt dhe tifozët, por referi Michael Oliver ndaloi shkurtazi, duke komunikuar nëpërmjet radiolidhjes dhe më pas anuloi golin për befasi të gjithëve, shkruan “Daily Mail”, transmeton “Koha Ditore”.

Kanë kaluar katër muaj që kur Manchester Cityt iu anulua goli i pestë në ndeshjen e kthimit ndaj Tottenhamit në çerekfinale të Ligës së Kampionëve, gol që do ta dërgonte në gjysmëfinale kundër Ajaxit.

Atëbotë do të ishte hat-tricku i Raheem Sterlingut dhe goli i kualifikimit i Cityt. Mirëpo, goli u anulua pas rishikimit të aksionit nëpërmjet VAR-it, pasi që Sergio Aguero kishte qenë në pozitë jashtë loje gjatë aksionit të shënimit të golit.

Të shtunën sërish VAR ndërhyri, jo për pozitë jashtë loje, por për lojë me dorë.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA

Komentet

Shto koment

Të ngjashme