Bayernit po i rrezikohet dominimi në Bundesligë

Bayernit po i rrezikohet dominimi në Bundesligë

14 August 2019 12:38

Nuk është shenjë e një harmonie në skuadër kur në prag të stinorit të ri lojtari më i mirë del dhe kritikon gjithë strategjinë e transferimeve të verës.

Por Robert Lewandowski qartë se është ndier se po mban tepër barrë te Bayern Muencheni dhe nuk i pëlqente kjo, shkruan Daily Mail, përcjell Koha Ditore.

"Mendoj se na duhen tre lojtarë të rinj", tha Lewandowski javën e kaluar. "Ne kemi humbur tre lojtarë në sulm me largimin e Franck Riberys, Arjen Robbenit dhe James Rodriguezit dhe deri më tash nuk kemi pasur një transferim të ri të dëshmuar në këto pozita".

Është një atmosferë e pathyeshmërisë që lidhet me Bayernin, ku kombinohen efikasiteti i pamëshirshëm si në fushë ashtu edhe në tregun e lojtarëve, e që shpjegon pse skuadra ka fituar shtatë tituj rresht të Bundesligës.

Por derisa stinori i Bundesligës është pranë fillimit, ekziston një sens për herë të parë pas disa viteve se Bayerni duket i cenueshëm. Komentet e Lewandowskit thjesht ishin dëshmi e fundit në lidhje me këtë.

Pasi fitoi Bundesligën me dallim prej 25, 19, 10, 10, 15 dhe 21 pikëve nga stinori 2012\13 deri në atë 2017\18, Bayerni ishte pranë të rrëzohet nga froni stinorin e kaluar. Borussia Dortmundi e rrezikoi deri në xhiron e fundit, por në fund u dorëzua për dy pikë.

Kësaj radhe, ekziston një besim se Dortmundi mund dhe do të thyejë dominimin e Bayern Muenchenit...(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme