Juve pranon ofertën e Tottenhamit për Dybalan Foto: Reuters

Dybala nuk bindet as nga Tottenhami

06 August 2019 21:03
22:00

Paulo Dybala raportohet se do t’i sjellë edhe më shumë probleme Juventusit, pasi thuhet se nuk është bindur as nga oferta e Tottenhamit.

Më herët u raportua se Tottenhtami dhe Juventusi kishin arritur marrëveshjen që argjentinasi të kalojë në Londër, por tani eksperti i transfereve në “Gazzetta dello Sport”, Nicolo Schira, ka thënë se argjentinasi nuk është entuziast për një kalim të tillë.

Dybala më herët refuzoi edhe Manchester Unitedin që s’pranoi t’i ofrojë pagë 12 milionë euro plus bonuse, si dhe pagesën prej 15 milionë eurove për agjentin e lojtarit.

Nëse një kërkesë e tillë pranohet nga Tottenhami, atëherë Dybala do të kalonte me pagë edhe superyllin e skuadrës Harry Kane.

Dëshira e lojtarit është të qëndrojë në Torino, ose nëse largohet, të kalojë vetëm te Paris Saint-Germaini.

Interi po konsiderohet opsion i fundit në verë për lojtarin, me ofertën për shkëmbim me Mauro Icardin.

21:03

Juve pranon ofertën e Tottenhamit për Dybalan

Juventusi raportohet se ka pranuar ofertën prej 70 milionë eurove të Tottenhamit për sulmuesin Paulo Dybala.

Sipas “Goal”, lojtari tani do të nisë bisedimet me klubin londinez dhe duket se kalimi i tij në Angli është shumë afër.

Dybala ditë më parë u raportua se refuzoi të kalonte te Manchester Unitedi, ndërsa besohet se raportet me argjentinasin Mauricio Pochettino, trajner i Tottenhamit, e kanë bindur të pranojë largimin drejt Londrës.

© KOHA. Të gjitha të drejtat janë të rezervuara.

Komentet

Shto koment

Të ngjashme