Muriqi, përforcimi më i mirë i Fenerbahçes në vitet e fundit

Muriqi, përforcimi më i mirë i Fenerbahçes në vitet e fundit

02 August 2019 08:50

Sulmuesi i Përfaqësueses së Kosovës, Vedat Muriqi, nuk e ka fituar vetëm simpatinë e tifozëve të Fenerbahçes, por edhe të ish-lojtarëve dhe legjendave të këtij klubi. Ridvan Dilmen, legjenda e Fenerbahçes që tash është analist sportiv, në një intervistë për mediumet turke të enjten, ka pasur vetëm fjalë të mira për shtatlartin.

Dilmen 56-vjeçar pret shumë nga Muriqi në edicionin e ri, që sipas tij do të jetë lojtari kryesor te Fenerbahçe, shkruan sot “Koha Ditore”. Ai ka insistuar se Muriqi është përforcimi më i mirë që Fenerbahçe e ka bërë viteve të fundit.

Muriqi 25-vjeçar, në fillim të muajit të shkuar iu bashkua Fenerbahçes nga Rizespori për 3.5 milionë euro dëmshpërblim. Ai menjëherë ka shkëlqyer me ekipin nga Stambolli, duke shënuar gola dhe asistuar në ndeshjet e fazës parasezonale.

“Me vite të tëra te Fenerbahçe janë shpenzuar para të mëdha. Por Vedat Muriqi është transferimi më i qëlluar i viteve të fundit. Është një lojtar i lirë dhe me vetëbesim të madh, pikërisht një i tillë i është dashur Fenerbahçes për sulm”, është shprehur Dilmen, i cili me fanellën e Fenerbahçes ka regjistruar 108 ndeshje dhe ka realizuar 32 gola (1987-1994).

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme