Ngritja e Akilit në kategorinë me konkurrencën më të madhe

Ngritja e Akilit në kategorinë me konkurrencën më të madhe

Tahir Sopi 15 July 2019 08:38

Prej Majlinda Kelmendit, Nora Gjakovës e Distria Krasniqit priten medalje në çdo garë që paraqiten, e dita-ditës në këtë grup po futet edhe Akil Gjakova.

Suksesi i fundit i Gjakovës në turneun Grand Prix të xhudos në Budapest, është dëshmia më e mirë për ngritjen e tij në kategorinë deri në 73 kilogramë, kategori që llogaritet me konkurrencën më të madhe te meshkujt. Në Budapest morën pjesë 60 garues në kategorinë e tij.

Gjakova, të shtunën e fitoi medaljen e artë që ishte e para dhe suksesi më i madh i tij për këtë vit. Ai dominoi plotësisht në kategorinë e tij, duke e mposhtur edhe legjendën e xhudos japoneze Masashi Ebinuma, që është kampion i trefishtë bote dhe ka edhe dy medalje të bronzta olimpike. Gjakova e mposhti Ebinuman në çerekfinale, kurse në finale ishte më i mirë se xhudisti nga Rusia, Georgii Elbakiev.

Ai gjatë rrugës deri te medalja e artë triumfoi edhe ndaj Constantin Gabun (Kanada), Nils Stump (Zvicër) e Khikmatillokh Turaev (Uzbekistan)... (Më gjerësisht lexoni në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme