Sport

MKRS nënshkruan memorandume bashkëpunimi me Suharekën për trashëgiminë e sportin

Ministri i Kulturës, Rinisë dhe Sportit, Kujtim Gashi, ka pritur sot në kabinetin e tij kryetarin e Komunës së Suharekës, Bali Muharremi. Në këtë takim, mes Ministrisë dhe Komunës u nënshkruan katër memorandume bashkëpunimi.

Memorandumet e nënshkruara kanë për qëllim hartimin dhe zbatimin e projekteve “Kulla e familjes Tafollaj” në fshatin Çadrak, “Kulla e Ramë Bllacës” në fshatin Bllacë dhe “Shtëpi Muze Fadil Vata” në fshatin Sallagazhde dhe për mbështetjen financiare të projektit “Stadiumi në Studenqan të Suharekës”.