Skuadra e Bayern Muenchenit i ka bërë ofertë zyrtare Juventusit për shërbimet e sulmuesit Paulo Dybala. "Corriere dello Sport" të mërkurën ka njoftuar se Bayerni ka ofruar 80 milionë euro dëmshpërblim për transferimin e Dybalas gjatë kësaj vere.
Dybala, te Bayerni shihet si përforcim i duhur për repartin e sulmit në edicionin e ardhshëm. 25-vjeçari, në edicionin e fundit ka shënuar dhjetë gola për Juventusin në të gjitha garat dhe nuk ka treguar formë të mirë, transmeton Koha Ditore.
Te Juventusi, vlerësojnë se Dybala të paktën vlenë 100 milionë euro. Argjentinasi ka kontratë me Juventusin deri në vitin 2022. Ai karrierë në Evropë ka bërë edhe te Palermo.
